أنا ₪ الصديق ₪ اللي ليا طحت شالكـ ..

لاضامتكـ دنياكـ والوقت بكـ مال ..

أنا يمينكـ شدني في شمالكـ ..

يمنى بلا يسرى ترى حالها حال ..

أنا عزاكـ وعزوتكـ لاجرى لكـ ..

من تاعس الدنيا هواجيس واهوال ..

ماني من اللي لا اغتنى ما وفالكـ ..

لو لكـ عليه من الجمايل والأفضال ..

وماني خويكـ كان وقتكـ صفالكـ ..

أنا خويكـ لا ادبرت فيكـ الأحوال ..

خذني عصآ موسى إذا كنت هالكـ ..

أمسح لكـ بحور القهر قول وأفعال ..

فالكـ .. عسى الله يسعد اليومـ فالكـ

فالكـ عقب صوم الدهر [.. عيد شوال ..]

((بالكـ يجي في خاطركـ يومـ بالكـ ..!))

إنكـ تغيب ولاتجي لي على بال ..!

لالا تفكر أنت في مثل ذلكـ ..

إن اتخلى عنكـ لو الزمن طال ..

ما أقول انا ياعمـ مالي ومالكـ ..

ماترخص العشره ولاتغني أموال ..

اسمع جوابي قبل مااسمع جوابكـ ..

خارج حدود التغطية وارسل إرسال ..

على محيط السالفة حط بالكـ ..

أجيكـ رجلي كان ماجيت خيال ..

انا ليا شح الزمن في وصالكـ ..

تمدني النخوة على وصلكـ حبال ..

أنا عمى عين العدو لانوى لكـ ..

أنول روحه قبل ماروحكـ تنال ..

بينكـ وبين الشمس نخلة ظلالكـ ..

ماللنخل قيمة إذا ماله ظلال ..

والليل لو الليل مظلمـ وحالكـ ..

ترسمني الظلما على صدره هلال ..

ماني ولد عمكـ ولا ولد خالكـ ..

خطوة ₪ .. خـوي .. ₪ تسوى بني عمـ وأخوال